📖 Gullak- गुल्लक

‘गुल्लक’ – आठवणींचा, प्रेमाचा आणि मूल्यांचा भावनिक प्रवास! (कादंबरी)

आयुष्य म्हणजे एक गुल्लक (गल्ला) असतं. लहानपणी आपण त्यात नाणी टाकतो, स्वप्नं टाकतो, कधी आठवणीही. नाणी जशी एकेक करून गुल्लकात साठतात, तशाच प्रेम, भावना, देशभक्ती आणि मूल्ये लेखकाने या कथेत साठवल्या आहेत. काही नाणी वाटेत हरवतात, काही कायम आतच राहतात. एक दिवस तो गुल्लक फुटतो, तेव्हा कळतं की त्यात नेमकं काय काय साठवलं होतं.

लेखक बी. जी. जैन ‘केसरी’ यांची ‘गुल्लक’ ही अशाच एका आयुष्याच्या प्रवासाची गोष्ट आहे. या कादंबरीचा नायक ‘विजय दिनानाथ चव्हाण’ आपल्याला भेटतो स्वातंत्र्यपूर्व काळातल्या एका गावात, शाळेतील इयत्ता नववीच्या वर्गात. शालेय शिस्तीचे आणि देशभक्तीने भारलेलं वातावरण, तिथून सुरू झालेला त्याचा प्रवास पुढे प्रेमाच्या वळणावर येतो, पण सगळ्याच प्रेमकथा पूर्णत्वाला जात नाहीत. आयुष्यात आपण जे गमावतो, ते खरंच कायमचं गमावतो का? की काळाच्या कुठल्यातरी वळणावर ते पुन्हा आपल्याला भेटायला येतं? या प्रश्नाचं अचूक उत्तर शोधणारी ही कथा आहे.

📖 वाचा ‘डिजिटल फ्लिप बुक’ स्वरूपात (सध्या उपलब्ध):

हे पुस्तक आता एका आकर्षक ‘इंटरअॅक्टिव्ह फ्लिप बुक’ (Interactive Flipbook) च्या स्वरूपात उपलब्ध आहे. पारंपरिक छापील पुस्तक वाचल्याचा आनंद आता तुमच्या मोबाईल किंवा लॅपटॉपच्या स्क्रीनवर घ्या. तुम्ही खऱ्याखुऱ्या पुस्तकाप्रमाणे याची पाने पलटण्याचा आनंददायी अनुभव घेऊ शकता. खरेदी केल्यावर तुम्ही हे फ्लिप बुक लगेच वाचायला सुरुवात करू शकता.

🎧 ‘ऑडिओ बुक’ लवकरच येत आहे! (Audiobook Coming Soon):

वाचनासोबतच या हृदयस्पर्शी कथेचा आनंद ऐकूनही घेता यावा, यासाठी आम्ही ‘गुल्लक’चे अधिकृत ‘ऑडिओ बुक’ लवकरच प्रकाशित करत आहोत! उत्तम आणि व्यावसायिक निवेदनातून या कादंबरीतील पात्रे, संवाद आणि प्रसंग अधिक जिवंत होतील.

(टीप: जे वाचक आता फ्लिप बुक खरेदी करतील किंवा ज्यांच्याकडे छापील पुस्तक आहे, त्यांना पुस्तकातील QR Code स्कॅन करून ऑडिओ बुक उपलब्ध झाल्यावर थेट  खरेदी करुन ऐकता येईल.)

पुस्तकाची काही खास वैशिष्ट्ये:

• ही केवळ एक प्रेमकथा नाही, तर स्वातंत्र्योत्तर भारताच्या जडणघडणीचा भावनिक दस्तऐवज आहे.

• त्याग, निष्ठा, क्षमाशीलता आणि कर्तव्याची जाणीव ही मूल्ये पात्रांच्या जगण्यातून सहजपणे व्यक्त होतात.

• एका शतकाचा आणि तीन पिढ्यांचा ऐतिहासिक व सामाजिक प्रवास यात मांडला आहे.

• लेखक: बी. जी. जैन ‘केसरी’

• प्रकाशक: भाग्यश्री प्रकाशन, कोल्हापूर

स्वतःच्या आठवणींची ‘गुल्लक’ पुन्हा एकदा उघडून पाहण्यासाठी हे पुस्तक नक्की वाचा!